89-шықәса дшырҭагылаз лыԥсҭазаара далҵит еицырдыруа аԥсуа аҵарауаҩ-абызшәаҭҵааҩы Сариа Амҷба.
Арадио «Ҳара» зыԥсҭазаара иалҵыз аҵарауаҩ лҭаацәеи лҭынхацәеи аԥсуа жәлари гәалсра дула ирыдышшылоит.
Сариа Амҷԥҳа аԥсуа бызшәа аизырҳараҿы ллагала дууп. 1969 шықәсазы Қырҭтәылатәи Асоветтә Социалисттә Республика Анаукақәа Ракадемиа абышәадырратә Институт аҟны академик Қеҭеван Ломтатиӡе лнапхгарала, «Тапанҭтәи адиалект алексика аԥсуа бызшәа алексика иаҿырԥшны» ҳәа атема ала афилологиатә наукақәа ркандидат ҳәа анаукатә ҩаӡара аиуразы адиссертациа лыхьчеит. Сариа Амҷԥҳа 145 инареиҳаны аҭҵааратә усумҭақәа дравторын.
