Аԥсуа шәҟәыҩҩы, ауаажәларратә усзуҩ Дырмит Гәлиа диижьҭеи 150 шықәса аҵра инамаданы, Иуане Џьавахишвили ихьӡ зху Қарҭтәи аҳәынҭқарратә университет иаҵанакуа Аԥсны аинститут иҭнажьит ашәҟәы «Абжьас-цәа зшәу. Афоризмқәа».

«Абжьас-цәа зшәу» аԥсуа бызшәахьы ҩынтә еиҭаган. Иҳаҩсыз ашәышықәса 30-тәи ашықәсқәа рзы раԥхьаӡа акәны ари апоема еиҭеигеит Дырмит Гәлиа. Дырмит Гәлиа Қырҭтәыла ашәҟәыҩҩцәа реидгыла далан, Иуане Џьавахишвили ихьӡ зху Қарҭтәи аҳәынҭқарратә университет аҿы аус иуан. 80-тәи ашықәсқәа рзы «Абжьас-цәа зшәу» аԥсуа бызшәахьы еиҭеигеит Мушьни Лашәриа. Апоема «Абжьас-цәа зшәу» аԥсшәахь аиҭагаразы Мушьни Лашәриа ианашьан Шоҭа Русҭавели ихьӡ зху апремиа. Иара убас, хазы афоризмқәа еиҭеигеит Баграт Шьынқәба.

Ишәыдаагало ашәҟәы ҩ-бызшәак рыла икьыԥхьуп, ашәҟәы аҟны ахархәара рымоуп Оқсфорд иҟоу Бодл ибиблиотека W-27 W-17 ахьӡынҵақәа рҟынтә Шоҭа Русҭавели ипоема «Абжьас-цәа зшәу» аминиатиурақәа.

Аредакциатә гәыԥ: Зураб Шенгелиа, Нино Берӡнишвили, Леила Аҩӡ-ԥҳа, Есма Кокоскьыр-ԥҳа.
Хара имгакәа имҩаԥысуеит ашәҟәы аӡыргара.